أنا مؤمن إن أي حد يقدر يوصل لهدفه، بس المشكلة إن أغلب الناس بتمشي في الطريق ده لوحدها، بمعلومات مبعثرة ونصايح عامة مش مبنية على أي أساس. وأنا شفت ده كتير وكمان عشته بنفسي: ناس بتتعب وبتجتهد، بس النتيجة مش بتيجي، مش لأنهم مقصّرين، لكن لأن الخطة نفسها غلط.
سابقاً كنت زايد في الوزن، وتعلّمت خلال رحلتي الكثير. تابعت مع مدربين كتير، منهم اللي فاهم ومنهم اللي مش فاهم، ووصلت لهدفي في أكتر من مرحلة ومع أكتر من مدرب. ولمّا كنت أحقق نتايج ورقم الميزان ينزل كنت بكون مبسوط، لكن لاحقاً اتعلّمت إن المهم مش النزول في الوزن بسرعة فائقة، المهم الوصول للهدف مع تحسين الصحة وشكل الجسم. يعني ممكن تنجح في الوصول لهدف بس بصحة سيئة وشكل جسم مزعج، والشطارة الحقيقية إنك تحقق اللي إنت عايزه وإنت مستمتع بصحة وشكل جسم كويسين.
شغفي في الرياضة والتغذية ما وقفش هنا، ساقني للتعمّق في علوم التغذية والرياضة، والحمد لله حصلت على ماجستير في التغذية التخصصية من جامعة القاهرة. والحاجة اللي اتعلمتها إن الخبرة العملية لوحدها مش كفاية، والعلم لوحده مش كفاية، الاتنين مع بعض ضروريين.
والحمد لله فخور إني غيّرت وساعدت متدربين كتير يوصلوا لأهدافهم 💙
ورغم إني دايماً كنت بسعى لتقديم أفضل خدمة ممكنة، مع تطويرات وتحسينات مستمرة بتزوّد التزام متدربيني، إلا إني فضلت أفكر في طرق ترفع مستوى الخدمة لمستوى احترافي لا منافس له.
وبالفعل، بفضل ربنا وعلى مدار سنين، نجحت في تطوير تطبيقي التغذوي الرياضي EMT Fitness اللي من خلاله هتحصلوا بإذن الله على أفضل خدمة متابعة أونلاين في الوطن العربي. والتطبيق مش موجّه لمتدربيني بس على عكس التطبيقات الموجودة حالياً! أي حد يقدر يحمّله ويستفيد بالمميزات اللي فيه، من حساب سعرات الطعام لآخره، أو أي استفسار في التغذية والتمرين، حتى لو إنت مش مشترك في خدمة المتابعة معايا، زي ما هو موضّح في جزء شرح التطبيق.
